نتعرف في هذا المقال على اهم المعلومات عن الطين الاسواني والفرق بينه وبين الطين الهمر الصعيدي ومواصفات كلا منهما ولماذا تعتبر هذه الخامات صحية من الدرجة الاولى ولذلك نستخدم اجودها في منتجاتنا في الخيامية.
1 – الطين الاسوانى:-
الطين الاسوانى بيكون عبارة عن حجارة بتيجى من جبال اسوان وبعدين بتدخل كسارات تطحن تبقى بودرة تباع بالطن بيتم تجهيزها داخل الورش بتتعجن بمياه وتخمر تترك يومين او ثلاثة قبل التشكيل بعدين يتم عجن الطينة كويس جدا جدا قبل البدء في التشكيل على الدولاب ثم مرحلة التشكيل بعدين يتم تجفيف المنتجات فى الشمس ثم تدخل الفرن تتحرق بعد مرحلة الحرق اصبحت جاهزة للاستخدام في منتجات بتكون جاهزة للاستخدام مباشرة من غير اى حرق منتجات معالجة ومنتجات تانى بتكون محتاجة تتحرق الاول تدهن زيت او سمن وتدخل الفرن تتحرق 20 دقيقة والهدف من الطريقة دى هى قفل مسام الفخار
2- الطين الهمر الصعيدى الاصلى:-
الطين الهمر الصعيدى ده بيكون المادة الخام الاساسية بتاعته هو طمى النيل طين الارض يتم وضعه فى اناء كبير للعجن والتخمير ويترك يومين او ثلاثة بعد كدة بيتم تصفية الطين بغربال ضيق علشان لو فى اى شوائب او قش او حصو بعد كدة بيتم خلط الهمر للطين والهمر ده بيكون عبارة عن مادة خام موجودة فى جبال البحر الاحمر والهمر الهدف من اضافته للطين هو تحمل الطواجن لدرجة الحرارة بيطحن ويتغربل ويتم اضافته للطمى ويتم خلطه كويس جدا ونملك الطين وتدعك كويس جدااا نغطيها ونسيبها كام يوم قبل البدء فى التشكيل بعد كدة تاتى مرحلة تشكيل الطين لعمل الاوانى الحلل والطواجن والمقلايات وخلافه بعدين تترك فى الشمس تنشف كويس جدا ثم يتم رصها فى الفرن المخصص لحرق الفخار تتحرق بعد الحرق اصبحت جاهزة للاستعمال
الطواجن الهمر الصعيدى قبل الاستخدام لازم تتحرق الاول باحد الطرق التالية
ندهنهم زيت او سمن ويدخلوا الفرن يتحرقوا نص ساعة او ندهنهم زبدة بلدى مع عسل اسود ويتحرقوا فى الفرن من نص ساعة ل 45 دقيقة حسب الفرن وفى ناس بتحب تدهنهم بدهن كلها طرق تعتيق
السؤال المتكرر بقى ايه الافضل فى الاستخدام الطين الاسوانى ولا الطين الهمر الصعيدى الاصلى؟؟
الاتنين كويسين فى الاستخدام الفرق فى المادة الخام المستخدمة لان كل محافظة بتشتهر بحرفتها وتشتهر محافظة قنا بصناعة الطين الهمر الصيدى الاصلى فى مصر دونا عن غيرها من ايام الفراعنة.
نتمنى نكون قدرنا نرد على كل استفساراتكم اللى سالتونا عليها الخاصة بالموضوع ده …
#الخيامية
#مشغولات_يدوية
#handmade
